Saltar para: Post [1], Pesquisa e Arquivos [2]

Hora do Planeta

19
Nov19

Poluisaun ár iha Sydney entre poluisaun 20 aat liu iha mundu tanba inséndiu sira

SAPO TL

Poluisaun ár nian iha Sydney, sidade boot ida hosi Austrália ho populasaun hamutuk millaun lima resin, iha loron-tersa ne'e halo parte entre poluisaun hamutuk 20 ne'ebé aat liu iha mundu tanba suar hosi inséndiu sira iha leste nasaun nian, hatete hosi autoridade sira.

australia_fogo2019.jpg

"Sydney, ne'ebé koñesidu mós hanesan 'Big Smoke' [naran ne'ebé fó iha Austrália ba sidade boot sira] halo relasaun ho alkuña iha ohin loron. Suar hosi ahi sira sei lakon neineik durante loron maibé sei aumenta iha kalan. Iha alerta ida hosi kualidade ár ne'ebé ladi'ak", hakerek hosi serbisu sira meteorolojia nian iha rede sosial Twitter.

Iha portal AirVisual, ne'ebé sukat kualidade hosi ár iha mundu tomak, Sydney okupa iha loron-tersa ne'e pozisaun 17, menus pozisaun rua hosi sidade xineza Xangai, iha ranking ida ne'ebé lidera hosi Daka, iha Bangladexe.

Informasaun hosi governu Nova Gales Súl nian, ne'ebé nia kapital maka Sydney, hatudu katak kualidade ár "hanesan pobre".

Suar maka'as iha Sydney iha dadeer hanesan konsekuénsia hosi inséndiu sira hosi foho sira Gosper, hosi kilómetru 300 resin iha noroeste sidade nian no ne'ebé sunu ona rai besik 850 kilómetru kuadradu.

Impaktu hosi suar, ne'ebé afeta mós sidade sira hanesan Wollongongong ho Newcastle, sei sai aat tanba manas maka'as ne'ebé sei akontese iha loron rua oinmai iha kosta leste Austrália nian no ne'ebé hamosu susar durante semana rua nia laran hodi kombate ahi sira ne'ebé halo hosi bombeiru na'in 1.300 resin.

Pelumenus ema na'in neen mate ona tanba inséndiu ai-laran sira iha Nova Gale Súl, rejiaun ne'ebé hetan inséndiu ho rai-maran maka'as, ne'ebé rai hamutuk 13.000 kilómetru kuadradu mutuk ona dezde loron 01 Jullu.

Temporada hosi inséndiu sira iha Austrália varia tuir área ho kondisaun meteorolójiku sira maski iha nível jeral rejista entre fulan sira Dezembru ho Marsu.

Inséndiu aat sira ne'ebé akontese iha nasaun iha dékada hirak ikus ne'e akontese iha inísiu fulan-Fevereiru 2009, iha estadu Victoria (sudeste) no halo ona ema na'in 173 mate no na'in 414 kanek. Área ne'ebé hetan sunu hamutuk 4.500 kilómetru kuadradu.

Fonte: Ajénsia Lusa

Mais sobre mim

Subscrever por e-mail

A subscrição é anónima e gera, no máximo, um e-mail por dia.

Arquivo

  1. 2019
  2. J
  3. F
  4. M
  5. A
  6. M
  7. J
  8. J
  9. A
  10. S
  11. O
  12. N
  13. D
  14. 2018
  15. J
  16. F
  17. M
  18. A
  19. M
  20. J
  21. J
  22. A
  23. S
  24. O
  25. N
  26. D
  27. 2017
  28. J
  29. F
  30. M
  31. A
  32. M
  33. J
  34. J
  35. A
  36. S
  37. O
  38. N
  39. D
  40. 2016
  41. J
  42. F
  43. M
  44. A
  45. M
  46. J
  47. J
  48. A
  49. S
  50. O
  51. N
  52. D
  53. 2015
  54. J
  55. F
  56. M
  57. A
  58. M
  59. J
  60. J
  61. A
  62. S
  63. O
  64. N
  65. D
  66. 2014
  67. J
  68. F
  69. M
  70. A
  71. M
  72. J
  73. J
  74. A
  75. S
  76. O
  77. N
  78. D
  79. 2013
  80. J
  81. F
  82. M
  83. A
  84. M
  85. J
  86. J
  87. A
  88. S
  89. O
  90. N
  91. D