Saltar para: Post [1], Pesquisa e Arquivos [2]

Hora do Planeta

05
Jun18

Plástiku ne'ebé produz tinan-tinan hamutuk tonelada millaun 400 resin, uza fali de'it 9%

SAPO TL

Tinan-tinan produz ona plástiku hamutuk tonelada millaun 400 resin iha mundu no uza fali 9% de'it hosi plástiku sira ne'e, alerta hosi ONU ho baze iha estudu ne'ebé maka aprezenta iha loron-tersa ne'e tanba hanesan Loron Mundial ba Ambiente.

tasi_timor_foer.jpeg

Foto@ SAPO Timor-Leste

Tuir estudu "uzu úniku hosi plástiku", ne'ebé aprezenta iha loron-tersa ne'e iha Índia, 79% hosi plástiku sira ne'ebé maka uza so'e iha rai ka husik iha meiu ambiente no iha de'it 9% maka uza fali no 12% maka sunu.

"Bainhira kontinua ho padraun sira konsumu nian no jestaun, to'o tinan 2050 sei iha saku plástiku sira hamutuk millaun 12.000 resin iha rai no iha meiu ambiente", refere hosi relatóriu ne'ebé alerta mós katak, tinan-tinan, saku sira hamutuk millaun 13 resin soe iha tasi.

"Plástiku la'ós hanesan problema, problema maka saida maka ita halo ho plástiku", subliña hosi Erik Solheim, diretor hosi ONU Meiu Ambiente, durante aprezentasaun hosi relatóriu iha Nova Deli.

Relatóriu ne'e halo ho baze iha kazu sira hosi nasaun hamutuk 60 ne'ebé hatudu relasaun susar entre plástiku ho ekonomia. Hahú hosi nasaun sira ne'e, organizasaun aprezenta ona rekomendasaun oioin ne'ebé diriji espesialmente ba lejislador sira no líder mundial sira hodi "hanoin fali oinsá mundu produz, uza no jere plástiku hosi uzu úniku".

Rekomendasaun sira ne'ebé hato'o inklui hadi'a jestaun ba foer sira, promove alternativu ekolójiku, eduka konsumidor sira ka implementa bandu ba uzu balun plástiku sira nian.

Iha tinan 2015, saku plástiku sira sai ona hanesan responsável ba besik metade hosi foer sira hosi material ne'e, Xina sai hanesan nasaun ne'ebé maka produz liu foer ne'e, maski Estadus Unidus hanesan nasaun ne'ebé maka iha liu númeru aas hosi foer sira hosi embalajen sira plástiku nian tuir ema ida.

Entre konkluzaun prinsipal sira hosi estudu, ONU destaka ona rezultadu di'ak sira hosi bandu sira ne'ebé maka afeta saku plástiku sira hosi supermerkadu sira iha nasaun balun no taxa ne'ebé iha.

Liu nasaun 60 resin maka hahú kastigu sira, bandu sira ka medida restritivu sira hasoru plástiku.

Maski nune'e, kalkula katak uza ona saku plástiku hamutuk biliaun lima, tinan-tinan, iha mundu tomak, signifika katak saku plástiku kuaze millaun 10 ba minutu ida.

Fonte: Ajénsia Lusa

Mais sobre mim

Subscrever por e-mail

A subscrição é anónima e gera, no máximo, um e-mail por dia.

Arquivo

  1. 2018
  2. J
  3. F
  4. M
  5. A
  6. M
  7. J
  8. J
  9. A
  10. S
  11. O
  12. N
  13. D
  14. 2017
  15. J
  16. F
  17. M
  18. A
  19. M
  20. J
  21. J
  22. A
  23. S
  24. O
  25. N
  26. D
  27. 2016
  28. J
  29. F
  30. M
  31. A
  32. M
  33. J
  34. J
  35. A
  36. S
  37. O
  38. N
  39. D
  40. 2015
  41. J
  42. F
  43. M
  44. A
  45. M
  46. J
  47. J
  48. A
  49. S
  50. O
  51. N
  52. D
  53. 2014
  54. J
  55. F
  56. M
  57. A
  58. M
  59. J
  60. J
  61. A
  62. S
  63. O
  64. N
  65. D
  66. 2013
  67. J
  68. F
  69. M
  70. A
  71. M
  72. J
  73. J
  74. A
  75. S
  76. O
  77. N
  78. D