Saltar para: Post [1], Pesquisa e Arquivos [2]

Hora do Planeta

25
Set19

"Nobel Alternativu" distingi líder ho asosiasaun hosi Amazónia ho ativista Greta Thunberg

SAPO TL

Joven ativista sueka Greta Thunberg, líder indíjena brazileiru Davi Kopenawa ho Hutukara Asosiasaun Yanomami, hosi konservasaun hosi ai-laran tropikal Amazónia nian, hetan oan distinsaun iha loron-kuarta ne'e, iha Estokolmo, ho "prémiu Nobel Alternativu".

greta.jpg

Greta Thunberg

Advogada xineza Guo Jianmei ho defensora saraui ba direitu ema nian Aminatou Haidar simu mós galardaun, ne'ebé asinala tinan 40 iha tinan ne'e.

"Ami fó prémiu ba vizionáriu prátiku na'in haat ne'ebé lideransa fó ona lian ba ema millaun resin hodi defende direitu intransmitivel sira no iha luta ba futuru sustentável ida ba ema tomak iha planeta Rai", afirma hosi diretor-ezekutivu hosi Fundasaun Right Livelihood bainhira fó sai prémiu sira.

"Aleinde prémiu osan, ami oferese mós ba premiadu sira apoiu iha prazu naruk no ami sei ajuda proteje sira ne'ebé maka hetan perigu iha sira nia moris no perigu ba sira nia liberdade", subliña hosi Ole von Uexkull, iha konferénsia imprensa hodi fó sai prémiu sira, iha Ministériu Negósiu Estranjeiru sueku.

Davi Kopenawa.jpg

Davi Kopenawa

Tuir júri internasional, líder hosi tribu Yanomami iha Roraima, iha norte Brazil nian, Davi Kopenawa, ho Hutukara Asosiasaun Yanomami hetan distinsaun "tanba determinasaun korajozo hodi proteje ai-laran sira ho biodiversidade hosi Amazónia, hosi rai sira ho kultura hosi povu indíjena sira".

Hili joven ativista hosi klima nian, Greta Thunberg, ho tinan 16, tanba sai "inspirasaun ho aumenta ona ezijénsia polítika sira ba asaun klimátiku ida ne'ebé reflete faktu sientífiku sira".

Advogada xineza Guo Jianmei hetan distinsaun tanba "serbisu pioneiru ho persistente hodi defende feto sira nia direitu iha Xina", no iha tinan hirak ikus ne'e ajuda ona feto millaun resin hodi iha asesu ba justisa.

Defensora hosi direitu humanu saraui Aminatou Haidar destaka ona tanba "kampaña pasífiku ida", durante tinan 30 nia laran, "maski detensaun sira ho tortura, tanba justisa no autodeterminasaun ba povu Sara Osidental nian", no sai hanesan ema saraui dahuluk ne'ebé maka simu "Nobel Alternativu" ida.

Premiadu ida-idak sei simu osan millaun ida koroa sueka nian (euro rihun 94), destina hodi apoia serbisu ne'ebé sira dezenvolve iha sira nia área no la'ós uzu pesoal.

Iha prosesu ida hosi nomeasaun abertu, júri simu ona nomeasaun hamutuk 142 hosi nasaun hamutuk 59.

"Nobel Alternativu" sira sei entrega iha Estokolmo, iha loron 04 Dezembru, iha serimónia ida ne'ebé, ba dala uluk, sei loke ba públika hodi asinala tinan 40 hosi prémiu ne'e.

Harii iha tinan 1980, prémiu sira ne'e fó "honra ho apoia mane sira ho feto sira ne'ebé oferese resposta prátika sira ho ezemplar sira ba dezafiu sira ne'ebé urjente ho atual tebes".

Fonte: Ajénsia Lusa

Mais sobre mim

Subscrever por e-mail

A subscrição é anónima e gera, no máximo, um e-mail por dia.

Arquivo

  1. 2019
  2. J
  3. F
  4. M
  5. A
  6. M
  7. J
  8. J
  9. A
  10. S
  11. O
  12. N
  13. D
  14. 2018
  15. J
  16. F
  17. M
  18. A
  19. M
  20. J
  21. J
  22. A
  23. S
  24. O
  25. N
  26. D
  27. 2017
  28. J
  29. F
  30. M
  31. A
  32. M
  33. J
  34. J
  35. A
  36. S
  37. O
  38. N
  39. D
  40. 2016
  41. J
  42. F
  43. M
  44. A
  45. M
  46. J
  47. J
  48. A
  49. S
  50. O
  51. N
  52. D
  53. 2015
  54. J
  55. F
  56. M
  57. A
  58. M
  59. J
  60. J
  61. A
  62. S
  63. O
  64. N
  65. D
  66. 2014
  67. J
  68. F
  69. M
  70. A
  71. M
  72. J
  73. J
  74. A
  75. S
  76. O
  77. N
  78. D
  79. 2013
  80. J
  81. F
  82. M
  83. A
  84. M
  85. J
  86. J
  87. A
  88. S
  89. O
  90. N
  91. D