Saltar para: Post [1], Pesquisa e Arquivos [2]

Hora do Planeta

03
Dez19

Mudansa Klimátika oho ona ema na'in 1.200 resin iha Áfrika Oriental ho Austral

SAPO TL

Ema liu na'in 1.200 mate ona iha tinan ne'e iha Áfrika Austral ho Oriental iha dezastre natural sira ne'ebé iha ligasaun ho mudansa klimátika, afirma hosi organizasaun Save The Children iha loron-segunda ne'e.

idai_4.jpg

Númeru sira ne'e aumenta tanba siklone sira, inundasaun sira ho rai-monu ne'ebé maka akontese iha nasaun sira hanesan Mosambike, Zimbabué, Maláui, Kénia, Sudaun ka Somália, esplika hosi organizasaun.

Tuir Save The Children, konsekuénsia sira hosi mudansa klimátika halo ona, iha tinan ne'e, ema millaun 33 iha rejiaun hetan terus hosi inseguransa hahán nian, kalkula katak millaun 16 maka labarik sira.

Konsekuénsia hosi mudansa klimátika halo mós, tuir organizasaun, ema millaun ida husik sira nia uma, kria "risku adisional sira atu labarik sira hetan esplorasaun, haketak sira hosi sira nia família, ka atu husik eskola".

"Rezultadu sira hosi análize ne'e hanesan triste no hatudu katak krizi klimátika aumenta tan dezigualdade, kiak ho deslokamentu hosi Áfrika Oriental ho Austral", afirma hosi diretor Save The Children nian ba rejiaun, Ian Vale.

"Bainhira líder mundial sira hasoru malu ba COP25, ami husu atu foti desizaun firmi sira hodi hamenus impaktu hosi mudansa klimátika sira no hodi garanti atu moris sira ho labarik sira nia futuru hetan protesaun", hatutan hosi Vale.

Simeira ONU nian kona-ba Klima (COP25) hahú iha loron-segunda ne'e iha Madrid, ho prezensa hosi líder mundial na'in 50, inklui primeiru-ministru portugés nian, António Costa.

Durante Konferénsia hosi Parte sira ba dala 25 (COP25) hosi Konvensaun-Kuadru hosi ONU nian kona-ba Mudansa Klimátika sira, ne'ebé hanaruk to'o loron 13 Dezembru, sei hein delegasaun sira hosi nasaun hamutuk 196, nune'e mós hosi reprezentante importante sira hosi Uniaun Europeia ho instituisaun internasional oioin, nune'e bele kalkula "totalidade hosi nasaun sira hosi mundu", haktuir hosi komunikadu ida hosi Governu españól.

Iha fulan-Marsu, siklone Idai atinji Mosambike, Komoro, Madagaskar, Seychelles ho Tanzánia, halo ema na'in 1.300 resin mate no afeta ona ema millaun 1,5 resin.

Tempestade hamosu inundasaun maka'as ne'ebé arasta aldeia sira, ponte sira, estrada sira ho infraestrutura sira seluk, kria bee-lihun boot sira ne'ebé presiza semana barak nia laran hodi lakon.

Liutiha tempu balun, iha Abril, rejiaun hasoru fali siklone ida, Kenneth, ne'ebé halo ema na'in 50 resin mate.

Fonte: Ajénsia Lusa

Mais sobre mim

Subscrever por e-mail

A subscrição é anónima e gera, no máximo, um e-mail por dia.

Arquivo

  1. 2019
  2. J
  3. F
  4. M
  5. A
  6. M
  7. J
  8. J
  9. A
  10. S
  11. O
  12. N
  13. D
  14. 2018
  15. J
  16. F
  17. M
  18. A
  19. M
  20. J
  21. J
  22. A
  23. S
  24. O
  25. N
  26. D
  27. 2017
  28. J
  29. F
  30. M
  31. A
  32. M
  33. J
  34. J
  35. A
  36. S
  37. O
  38. N
  39. D
  40. 2016
  41. J
  42. F
  43. M
  44. A
  45. M
  46. J
  47. J
  48. A
  49. S
  50. O
  51. N
  52. D
  53. 2015
  54. J
  55. F
  56. M
  57. A
  58. M
  59. J
  60. J
  61. A
  62. S
  63. O
  64. N
  65. D
  66. 2014
  67. J
  68. F
  69. M
  70. A
  71. M
  72. J
  73. J
  74. A
  75. S
  76. O
  77. N
  78. D
  79. 2013
  80. J
  81. F
  82. M
  83. A
  84. M
  85. J
  86. J
  87. A
  88. S
  89. O
  90. N
  91. D