Saltar para: Post [1], Pesquisa e Arquivos [2]

Hora do Planeta

15
Jun18

Japaun sei hamenus emisaun mikroplástiku hodi proteke animal sira tasi nian

SAPO TL

Parlamentu japunés aprova ona, iha loron-sesta ne'e, lei ida hodi limita emisaun hosi mikroplástiku sira, partíkula ki'ik sira ne'ebé reprezenta ameasa boot ida ba manu sira ho ikan sira iha tasi no ne'ebé bele hamosu risku ba saúde ema nian.

plastico_noticiatl.jpg

Foto@ Legnan Koula/Lusa

Lejislasaun foun, sei halo hamutuk ho medida sira seluk ne'ebé aprovadu hosi Uniaun Europeia, eziji atu fabrikante sira hosi produtu hijiene sira ho kosmétiku sira hapara uzu hosi sasán plástiku sira ho tamañu ki'ik liu milímetru lima iha sira nia artigu sira.

Tanba nia natureza sintétiku, partíkula sira ne'e bele lori fasil tebes variedade oioin ida hosi aditivu kímiku sira no kontaminante sira ba oseanu sira, hodi reprezenta perigu boot ida ba animal sira tasi nian.

Besik 40% hosi ikans ira ne'ebé maka kaer iha illa Honshu, illa prinsipal hosi arkipélagu japunés, iha mikroplástiku sira iha sira nia sistema dijestivu, haktuir hosi estudu ida ne'ebé publika iha tinan 2017 hosi investigador sira hosi Universidade Kyoto.

Regulamentasaun foun ne'ebé aprova iha loron-sesta ne'e hosi parlamentu hanesan revizaun ida hosi lei anterior ida ne'ebé maka promove ona hodi halakon restu mariñu sira, no hanesan ba dala uluk iha nasaun fila ba mikroplástiku sira, haktuir hosi ministériu Meiu Ambiente nian.

Iha simeira foin lalais ne'e iha Kanadá, líder sira hosi G7 promete ona hamenus kuantidade hosi plástiku ne'ebé maka to'o iha oseanu sira, akordu ida ne'ebé Japaun no Estadus Unidus lakohi asina.

Kalkula katak iha tonelada millaun 150 hosi plástiku restu sira iha oseanu sira no, bainhira mantén iha ritmu atual, iha tinan 2050 sei iha liután plástiku sira duké ikan sira iha tasi, haktuir hosi alerta hosi organizasaun oioin.

Fonte: Ajénsia Lusa

Mais sobre mim

Subscrever por e-mail

A subscrição é anónima e gera, no máximo, um e-mail por dia.

Arquivo

  1. 2018
  2. J
  3. F
  4. M
  5. A
  6. M
  7. J
  8. J
  9. A
  10. S
  11. O
  12. N
  13. D
  14. 2017
  15. J
  16. F
  17. M
  18. A
  19. M
  20. J
  21. J
  22. A
  23. S
  24. O
  25. N
  26. D
  27. 2016
  28. J
  29. F
  30. M
  31. A
  32. M
  33. J
  34. J
  35. A
  36. S
  37. O
  38. N
  39. D
  40. 2015
  41. J
  42. F
  43. M
  44. A
  45. M
  46. J
  47. J
  48. A
  49. S
  50. O
  51. N
  52. D
  53. 2014
  54. J
  55. F
  56. M
  57. A
  58. M
  59. J
  60. J
  61. A
  62. S
  63. O
  64. N
  65. D
  66. 2013
  67. J
  68. F
  69. M
  70. A
  71. M
  72. J
  73. J
  74. A
  75. S
  76. O
  77. N
  78. D