Saltar para: Post [1], Pesquisa e Arquivos [2]

Hora do Planeta

14
Mar19

Governu Makau hakarak aplika taxa ba saku plástiku sira

SAPO TL

Iha loron-kinta ne'e Governu Makau fó sai intensaun hodi aplika taxa sira ba saku plástiku sira, medida ida ne'ebé kleur ona husu hosi ativista ambiental sira, no promete ona hodi avansa ho bandu hosi material sira seluk.

plastico_tl.jpg

Proposta lei ne'e aprezenta ona iha konferénsia imprensa hosi Konsellu Ezekutivu.

Governu hato'o katak "fornesimentu hosi saku plástiku sira iha asaun fa'an nian sei efetua ho obrigatóriu ho títulu todan ida" ka liuhosi "folin fiksu ida liuhosi despaxu hosi xefe ezekutivu", hatete hosi porta-vós hosi Konsellu Ezekutivu.

 

Leong Heng Teng esplika ona katak kobransa sei aplika ba "tipu tomak hosi saku plástiku sira", maibé lei haree ba esepsaun sira "tanba razaun hijiene ho seguransa nian", liuliu iha kazu sira ba "ai-moruk sira no hahán sira ne'ebé ladún falun ho di'ak".

 

"Iha 2017, ami produz ona foer ho tonelada 1.400 no 23% koresponde ba plástiku, ne'ebé 13% hanesan saku plástiku sira", fó hanoin hosi diretor hosi Serbisu sira Protesaun Ambiental nian, Tam Vai Man, ne'ebé marka prezensa iha konferénsia imprensa.

Nune'e, Tam Vai Man garanti ona katak "hakat tuirmai" maka "hamenus material sira seluk".

 

Proposta, ne'ebé kalkula multa sira entre pataka rihun ida to'o rihun sanulu (entre euro 100 to'o rihun resin), agora sei ba diskusaun iha Asembleia Lejislativu Makau nian.

Deputadu ho ativista sira husu beibeik medida lejislativu sira hosi protesaun ambiental nian, liuliu kona-ba plástiku deskartável.

 

Tuir Governu, maioria hosi partisipante sira hosi konsulta públika konsidera ona "uzu maka'as" hosi saku plástiku sira hanesan "situasuan krítiku ida" iha teritóriu, ne'ebé iha 2017 rejista ona lixu maka'as "tuir kapita" duké iha Pekin, Xangai ka Hong Kong.

 

Iha fulan-Agostu nia rohan, petisaun ida hasoru uza plástiku deskartável halibur ona asinatura rihun resin iha Makau. Hodi hatán, Governu promete ona "estudu ho di'ak no neineik ba serbisu lejislativu sira [kona-ba protesaun ambiental nian]".

 

Iha deklarasaun sira ba Lusa, Annie Lao, personajen prinsipal ida hosi petisaun, konsidera ona asaun Governu nian hanesan la sufisiente, "iha termu polítika sustentável nian", hatudu preokupasaun ho kazino sira iha teritóriu ne'ebé, tuir ativista nia opiniaun, hanesan utilizador maka'as hosi rekursu sira hanesan "bee, enerjia ho plástiku".

 

Iha loron dahuluk tinan 2019 nian, grupu hoteleiru ho operadora jogu nian Sands China anunsia bandu hodi la uza palliña plástiku nian, hodi kalkula hamenus palliña hamutuk millaun 2,2 tinan-tinan, ka, tonelada ida hosi plástiku. Iha 2017, propriedade sira hosi empreza simu ona vizitante sira hamutuk millaun 97 resin.

 

MGM, ho kazinu rua iha Makau, promete mós hodi la uza plástiku tomak ho utilizasaun úniku, durante trimestre dahuluk tinan nian.

 

Iha Makau laiha fábrika ruma hodi halo saku plástiku sira ne'ebé maka importa hosi Xina, Vietnam, Hong Kong, ho fatin sira seluk.

 

Lusa

Mais sobre mim

Subscrever por e-mail

A subscrição é anónima e gera, no máximo, um e-mail por dia.

Arquivo

  1. 2019
  2. J
  3. F
  4. M
  5. A
  6. M
  7. J
  8. J
  9. A
  10. S
  11. O
  12. N
  13. D
  14. 2018
  15. J
  16. F
  17. M
  18. A
  19. M
  20. J
  21. J
  22. A
  23. S
  24. O
  25. N
  26. D
  27. 2017
  28. J
  29. F
  30. M
  31. A
  32. M
  33. J
  34. J
  35. A
  36. S
  37. O
  38. N
  39. D
  40. 2016
  41. J
  42. F
  43. M
  44. A
  45. M
  46. J
  47. J
  48. A
  49. S
  50. O
  51. N
  52. D
  53. 2015
  54. J
  55. F
  56. M
  57. A
  58. M
  59. J
  60. J
  61. A
  62. S
  63. O
  64. N
  65. D
  66. 2014
  67. J
  68. F
  69. M
  70. A
  71. M
  72. J
  73. J
  74. A
  75. S
  76. O
  77. N
  78. D
  79. 2013
  80. J
  81. F
  82. M
  83. A
  84. M
  85. J
  86. J
  87. A
  88. S
  89. O
  90. N
  91. D