Saltar para: Post [1], Pesquisa e Arquivos [2]

Hora do Planeta

29
Out19

Dezastre natural sira iha Timor-Leste halo ema na'in lima mate ho estraga uma hamutuk 900 dezde Agostu

SAPO TL

Dezastre natural sira iha Timor-Leste, liuliu anin maka'as ho inséndiu sira, halo ona pelumenus ema na'in lima mate, na'in 11 kanek ho estraga uma hamutuk 900 resin dezde fulan-Agostu, ho Governu prepara apoiu emerjénsia nian ba família atus resin ne'ebé afetadu.

cris1.jpg

Foto fó hosi Cris Carrascalão ba SAPO Timor-Leste

Balansu foun hosi Sekretaria Estadu Protesaun Sivil nian, ne'ebé maka Lusa iha asesu, hatudu katak parte boot hosi destruisaun akontese iha fulan-Outubru, ho ema na'in rua mate, na'in rua kanek, estraga uma hamutuk 714 ho edifísiu públiku haat (inklui kapela ida).

Destruisaun akontese iha munisípiu 10 hosi munisípiu 12 Timor-Leste nian no iha mós enklave Oecusse-Ambeno, maibé impaktu boot, hosi anin maka'as sira, akontese iha munisípiu Ermera ne'ebé estraga ona, iha de'it fulan ne'e, uma hamutuk 490.

Balansu ne'e hatudu katak suku oioin hosi zona Hatulia B (Ermera) sai hanesan fatin sira ne'ebé maka afetadu maka'as, liuliu tanba inséndiu sira.

Iha detalle kona-ba insidente sira dezde fulan-Agostu, relatóriu konfirma ema na'in ida mate tanba inséndiu iha loron 24 Outubru, iha zona Same Vila ho ida seluk mate tanba inséndiu, iha Fahisoi (Remexiu), iha loron 20 Outubru.

Ema na'in rua mate ona tanba anin maka'as iha zona Dukurai (Letefoho, Ermera, iha súl Díli nian) iha lorom 09 Setembru, na'in ida mate iha Lebre (Bobonaro) tanba inséndiu ida iha loron 25 Agostu.

Relatóriu nota katak aleinde estraga kapela ida iha Hatubuliku (Ainaro), estraga mós eskola rua ona zona Ermera no total ida Uma Lisan hamutuk 13, ne'ebé iha signifikadu maka'as ba sosiedade timoroan, iha parte oioin iha munisípiu Baucau nian.

Inséndiu sira afeta mós zona balun ne'ebé hanesan simbóliku iha nasaun, inklui Foho Ramelau, pontu aas liu nasaun nian no hanesan foho aas liu daruak hosi nasaun sira ho lian portugeza.

Governu haruka ona apoiu ba família atus resin ne'ebé afetadu, agora estuda hela reforsu estraordináriu ida iha orsamentu 2019 nian - iha folin dolar millaun lima ba apoiu adisional.

Responsável sira hosi Protesaun Sivil agora daudaun estuda hela ho ajénsia sira hosi ONU nian iha Timor-Leste kona-ba eventual apoiu adisional sira emerjénsia nian, konfirma ona hosi fonte sira Governu nian.

Rajesh Pandav, responsável hosi Organizasaun Mundial Saúde (OMS) nian esplika ona ba Lusa katak ONU disponibiliza ona hodi fó apoiu bainhira presiza.

Nia esplika mós katak iha semana liubá, no iha sekuénsia hosi pedidu ida hosi Ministériu Saúde, ekipa sira OMS ho autoridade sira saúde timoroan nian fó ona asisténsia emerjénsia nian ba populasaun sira iha zona sira ne'ebé afetadu hosi Ermera ho Liquiçá, munisípiu rua ne'ebé afetadu liu.

Fonte: Ajénsia Lusa

Mais sobre mim

Subscrever por e-mail

A subscrição é anónima e gera, no máximo, um e-mail por dia.

Arquivo

  1. 2019
  2. J
  3. F
  4. M
  5. A
  6. M
  7. J
  8. J
  9. A
  10. S
  11. O
  12. N
  13. D
  14. 2018
  15. J
  16. F
  17. M
  18. A
  19. M
  20. J
  21. J
  22. A
  23. S
  24. O
  25. N
  26. D
  27. 2017
  28. J
  29. F
  30. M
  31. A
  32. M
  33. J
  34. J
  35. A
  36. S
  37. O
  38. N
  39. D
  40. 2016
  41. J
  42. F
  43. M
  44. A
  45. M
  46. J
  47. J
  48. A
  49. S
  50. O
  51. N
  52. D
  53. 2015
  54. J
  55. F
  56. M
  57. A
  58. M
  59. J
  60. J
  61. A
  62. S
  63. O
  64. N
  65. D
  66. 2014
  67. J
  68. F
  69. M
  70. A
  71. M
  72. J
  73. J
  74. A
  75. S
  76. O
  77. N
  78. D
  79. 2013
  80. J
  81. F
  82. M
  83. A
  84. M
  85. J
  86. J
  87. A
  88. S
  89. O
  90. N
  91. D