Saltar para: Post [1], Pesquisa e Arquivos [2]

Hora do Planeta

17
Set19

Amazónia: Kriminozu ataka defensor sira meiu ambiente nian hodi estraga ai-laran iha Brazil

SAPO TL

Desflorestasaun hosi Amazónia brazileiru hanesan impulsionadu hosi rede kriminozu sira ne'ebé kria hosi invazor sira ho fazendeiru sira ne'ebé uza violénsia ho intimidasaun hasoru sé maka hakarak impede, denunsia hosi Human Rights Watch (HRW) iha relatóriu ida ne'ebé fó sai iha loron-tersa ne'e.

amazonia.jpg

Dokumentu ho pájina hamutuk 165 ho títulu “Rainforest Mafias: How Violence and Impunity Fuel Deforestation in Brazil’s Amazon”, elabora hosi organizasaun ne'ebé la'ós governu nian, aponta katak desflorestasaun ilegal no inséndiu ai-laran sira ne'e iha relasaun ho asaun violénsia nian no intimidasaun hasoru defensor sira hosi meiu ambiente iha nasaun.

Tuir HRW, Governu brazileiru falla ona bainhira tenta investiga no prosesa responsável sira ba krimi ida hanesan ne'e, husik eskapa maioria hosi responsável sira ba asasíniu hosi ambientalista sira no defensor sira hosi ai-laran tropikal boot liu iha mundu.

"Ema brazileiru sira ne'ebé defende Amazónia hasoru daudaun ameasa sira ho atake sira hosi rede kriminozu ne'ebé envolve iha extrasaun ilegal ba ai", hatete hosi Daniel Wilkinson, diretór interinu hosi direitu ema nian no meiu ambiente nian hosi Human Right Watch.

"Situasaun halo sai aat liu bainhira Prezidente [hosi Brazil, Jair] Bolsonaro, ne'ebé atake ba ajénsia ambiental sira nian iha nasaun, hamosu risku ba ai-laran tropikal no ba ema sira ne'ebé maka hela iha ne'ebá", nia hatutan.

Hodi elabora relatóriu, HRW entrevista ona ema na'in 170 resin, inklui na'in 60 ne'ebé hanesan membru hosi komunidade indíjena sira no rezidente sira seluk hosi estadu amazónika tolu: Maranhão, Pará ho Rondónia.

Tuir ONG, rede kriminozu sira baibain kordenadu hosi fazendeiru sira ho ema sira ne'ebé invade ilegalmente rai sira ne'ebé maka atua iha rejiaun ho kapasidade lojístika sira hodi kordena extrasaun, prosesamentu ho fa'an ai sira ho eskala boot, bainhira mobiliza mane armadu sira hodi intimida no, iha kazu balun, oho ema sira ne'ebé hakarak defende ai-laran sira.

Investigador sira entrevista mós funsionáriu hamutuk sanulu resin hosi Governu iha Brazília no iha rejiaun amazónika tomak, inklui sira barak ne'ebé temi oinsá hili polítika iha jestaun Bolsonaro ne'ebé estraga esforsu sira fiskalizasaun nian hodi impede destruisaun ai-laran nian.

"Duranre nia tinan dahuluk iha kargu, Bolsonaro hamenus ona aplikasaun hosi lei ambiental sira, halo fraku ajénsia ambiental federal sira no kritika maka'as ona organizasaun sira ho ema sira ne'ebé serbisu hodi prezerva ai-laran amazónika", hatete iha relatóriu.

HRW hala'o ona entrevista hamutuk 60 resin ho autoridade sira ne'ebé envolvidu iha aplikasaun hosi lei ambiental sira ka kriminal sira iha rejiaun, no entrevista hamutuk 60 seluk ho membru sira hosi komunidade indíjena sira ho populasaun sira, no hetan ona konsensu boot ida katak violénsia ne'e hanesan problema jeneralizadu kleur ona iha rejiaun.

Ema liu na'in 300 resin mate ona iha dékada ikus ne'e iha kontestu hosi konflitu sira ba uzu rai nian ho rekursu iha Amazónia, haktuir hosi informasaun ne'ebé hetan hosi organizasaun ho ligasaun ba igreja Katólika Comissão Pastoral da Terra (CPT).

HRW dokumenta ona asasíniu hamutuk 28, tentativa oho hamutuk haat no kazu ameasa mate nian hamutuk 40 iha relatóriu, hodi hatete katak iha kazu sira ne'e hotu ezisti "evidénsia ne'ebé bele konfia katak responsável sira envolve iha asaun desflorestasaun ilegal no haree sira nia vítima hanesan obstákulu ba nia emprendimentu kriminozu".

Informasaun preokupante seluk hatudu katak responsável sira hosi asaun sira violénsia nian iha rejiaun ladún lori ba Justisa.

"Hosi asasíniu hamutuk 300 resin ne'ebé rejista hosi CPT, iha de'it 14 maka hetan julgamentu, hosi asasíniu dokumentadu hosi Human Rights Watch, hamutuk 28, kazu rua de'it maka ba julgamentu no hosi kazu hamutuk 40 resin ba ameasa sira laiha kazu ida maka hetan kastigu", haktuir hosi ONG.

Dokumentu hatudu katak falta hosi responsabilizasaun ba krimi sira ne'ebé akontese, iha parte barak, tanba polísia brazileiru la halo investigasaun sira ho di'ak.

"Polísia lokal rekoñese ona nia fraku no hatete katak [ne'e akontese] tanba asasíniu sira akontese iha área remota sira. Maibé, Human Rights Watch dokumenta ona omisaun maka'as sira iha investigasaun sira hosi asasíniu sira ne'ebé akontese iha sidade sira, […] inklui falla iha realizasaun hosi autópsia sira", destaka hosi relatóriu.

Investigasaun sira hosi ameasa sira mate nian laiha rezultadu di'ak, autoridade sira hosi fatin balun lakohi rejista kesar sira hosi ameasa sira.

"Iha pelumenus asasíniu hamutuk 19 hosi asasíniu dokumentadu hamutuk 28, ameasa sira hasoru vítima sira ka sira nia komunidade akontese antes atake sira. Bainhira autoridade sira balo investigasaun, karik bele evita asasíniu sira", haktuir hosi relatóriu.

Iha konkluzaun, HRW aponta ona katak komuniade indíjena ho rezidente sira seluk hosi Amazónia kleur ona maka iha knaar importante ida iha esforsu sira nasaun nian hodi hapara desmatamentu, alerta autoridade sira kona-ba atividade ilegal sira ne'ebé, ho dalan seluk, bele laiha koñesimentu.

Maibé, diminuisaun hosi fiskalizasaun ambiental insentiva estrasaun ilegal hosi ai no hamosu destruisaun boot hosi ai-laran amazónika iha Brazil.

Fonte: Ajénsia Lusa

Mais sobre mim

Subscrever por e-mail

A subscrição é anónima e gera, no máximo, um e-mail por dia.

Arquivo

  1. 2020
  2. J
  3. F
  4. M
  5. A
  6. M
  7. J
  8. J
  9. A
  10. S
  11. O
  12. N
  13. D
  14. 2019
  15. J
  16. F
  17. M
  18. A
  19. M
  20. J
  21. J
  22. A
  23. S
  24. O
  25. N
  26. D
  27. 2018
  28. J
  29. F
  30. M
  31. A
  32. M
  33. J
  34. J
  35. A
  36. S
  37. O
  38. N
  39. D
  40. 2017
  41. J
  42. F
  43. M
  44. A
  45. M
  46. J
  47. J
  48. A
  49. S
  50. O
  51. N
  52. D
  53. 2016
  54. J
  55. F
  56. M
  57. A
  58. M
  59. J
  60. J
  61. A
  62. S
  63. O
  64. N
  65. D
  66. 2015
  67. J
  68. F
  69. M
  70. A
  71. M
  72. J
  73. J
  74. A
  75. S
  76. O
  77. N
  78. D
  79. 2014
  80. J
  81. F
  82. M
  83. A
  84. M
  85. J
  86. J
  87. A
  88. S
  89. O
  90. N
  91. D
  92. 2013
  93. J
  94. F
  95. M
  96. A
  97. M
  98. J
  99. J
  100. A
  101. S
  102. O
  103. N
  104. D